ဘုရားထံမှခွန်အားဖြင့် မိမိကိုယ်ကိုချုပ်တည်းခြင်း
၁၉၇၂ ခုနစ်၏လေ့လာချက်အရ ‘marshmallow test’ (မုန့်ချိုဖြင့်စမ်းသပ်မှု) သည် ကလေးများ၏ အလိုဆန္ဒထိန်းချုပ်နိုင်စွမ်းကို တိုင်းတာရာ၌ အထောက်အကူဖြစ်ခဲ့သည်။ ကလေးများအား ‘မုန့်ချို’ တစ်ခုစီပေးပြီးနောက် မစားသေးဘဲ (၁၀) မိနစ်ကြာ ချုပ်တည်းထားနိုင်ပါက နောက်တစ်ခုထပ်ရမည်ဟု ပြောပြသည်။ ကလေး (၃) ပုံ (၁) ပုံသည် ပိုကြီးသည့်ဆုလာဘ်အတွက် စားချင်စိတ်ကို ထိန်းချုပ်နိုင်ခဲ့ကြသည်။ အခြား (၃) ပုံ (၁) ပုံမှာ စက္ကန့် (၃၀) အတွင်းမှာပင် ဝါးစားလိုက်သည်။
စောင့်ဆိုင်းနေရသည့်အနာဂတ်တွင် ပို၍အကျိုးကြီးမည်ကို သိသော်လည်း မိမိလိုချင်သည့်အရာနှင့် ဆွဲဆောင်ခံရပါက ကျွန်မတို့ မိမိကိုယ်ကို မနည်းထိန်းချုပ်ရသည်။ ရှင်ပေတရုသည် ကျွန်မတို့၏ယုံကြည်ခြင်း၌ ကာမဂုဏ်ချုပ်တည်းခြင်းအပါအဝင် အရေးကြီးသည့် အလေ့အကျင့်များကို ပေါင်းထည့်ရန် တိုက်တွန်းခဲ့သည် (၂ ပေ ၁:၅-၆)။ သခင်ယေရှု၌ယုံကြည်ခြင်းကို အခြေပြုလျက် ထိုယုံကြည်ခြင်း၏သက်သေအဖြစ် ကောင်းမြတ်ခြင်း၊ အသိပညာ၊ ကာမဂုဏ်ချူပ်တည်းခြင်း၊…
ပညာအမြော်အမြင်ရှိစွာ ရွေးချယ်ပါ
အာကာသယာဉ်တွင် လိုက်ပါမည့်ယာဉ်မှူးများအား ဦးဆောင်မည့် အာကာသ ယာဉ်မှူး Chris Ferguson (ခရစ် ဖါဂါဆန်)သည် အပြည်ပြည်ဆိုင်ရာ အာကာသစခန်းသို့သွားရောက်ရန် ခရီးစဉ်နှင့်ပတ်သက်ပြီး ခက်ခဲစွာဆုံးဖြတ်ချမှတ်ခဲ့ရသည်။ သို့သော် ထိုဆုံးဖြတ်ချက်က အာကာသယာဉ်ဆိုင်ရာ စက်ယန္တရားများ၊ အာကာသ ယာဉ်မှူးများ၏လုံခြုံရေး စသည်တို့နှင့်ပတ်သက်ခြင်းမရှိပါ။ ထိုအချက်အလက်များအစား သူ့ဘဝ၏အရေးကြီးဆုံးကဏ္ဍဟု သူသတ်မှတ်ထားသည့် မိသားစုနှင့် ပတ်သက်သောကိစ္စအတွက် ဆုံးဖြတ်ချက်ချရခြင်းဖြစ်သည်။ သူ၏သမီးမင်္ဂလာပွဲတွင် ပါဝင်နိုင်ရန် ကမ္ဘာမြေပေါ်၌သာရှိနေရန် သူရွေးချယ်ခဲ့သည်။
ဘဝ၌ မည်သည့်အရာက ပို၍အရေးကြီးကြောင်း သုံးသပ်ရသည့် ခက်ခက်ခဲခဲ ဆုံးဖြတ်ချက်ချရသည့်အချိန်များ ရှိသည်။ အဘယ့်ကြောင့်ဆိုသော် ရွေးချယ်မှုတစ်ခုအတွက် အခြားသူတစ်ဉီးက အနစ်နာခံပေးရခြင်းကြောင့်ဖြစ်သည်။ သူ့နောက်တော်လိုက်လျှောက်ရန်ဟူသည့် ဘဝတွင် အရေးကြီးဆုံးသော ဆုံးဖြတ်ချက်နှင့်ပတ်သက်၍ သခင်ယေရှုက သူ၏တပည့်တော်များအပါအဝင် လူပရိသတ်အပေါင်းတို့အား ဤအမှန်တရားကို ပြောကြားရန် ရည်ရွယ်ခဲ့သည်။ သူ၌ ဆည်းကပ်သောတပည့်တော် ဖြစ်ရန်အတွက် “ကိုယ့်ကိုယ်ကိုယ်ငြင်းပယ်”ရန် လိုအပ်ကြောင်း မိန့်ကြားတော်မူခဲ့သည် (မာ ၈:၃၄)။ သူတို့အနေဖြင့်…
အတူတကွ စုဝေးကြသောအခါ
ကမ္ဘာ့ပျော်ရွှင်ခြင်းအစီရင်ခံစာအရ ဒိန်းမတ်နိုင်ငံသည် ကမ္ဘာပေါ်ရှိ အပျော်ရွှင်ဆုံးနိုင်ငံများထဲမှတစ်နိုင်ငံဖြစ်သည်။ ဒိန်းမတ်နိုင်ငံသားများသည် မိတ်ဆွေများနှင့် စုဖွဲ့ကာသောက်စရာပူပူနွေးနွေး (သို့) အရသာရှိသောစားစရာများ သုံးဆောင်ကြကာ ရှည်ကြာ၍ မှောင်မိုက်သောဆောင်းရာသီကို ကျော်ဖြတ်ကြသည်။ ထိုအချိန်များနှင့်ပတ်သက်သော ခံစားမှုများကို သူတို့က hygge (ဟူးဂါ) ဟုခေါ်သည်။ ကမ္ဘာ့တောင်ပိုင်းမှမိတ်ဆွေများထက် နေရောင်နည်းပါးစွာရခြင်းကြောင့် ဖြစ်လာသော အကျိုးဆက်များကို ဟူးဂါက လျော့ကျစေသည်။ စားပွဲတစ်ခုတည်းတွင် ချစ်ခင်သူများနှင့်ဝိုင်းဖွဲ့ထိုင်ခြင်းဖြင့် သူတို့၏နှလုံးသားများ အားပြည့်ရွှင်လန်းကြသည်။
ဟေဗြဲဩဝါဒစာရေးသူက လူအချင်းချင်းစုရုံးစည်းဝေးကြရန် တိုက်တွန်းနှိုးဆော်သည်။ ရာသီဥတုထက် ပိုမိုပြင်းထန်သော စိန်ခေါ်မှုများရှိနိုင်သည့် ခက်ခဲသောနေ့ရက်များ ရင်ဆိုင်ရနိုင်ကြောင်း သူသိပြီး ခရစ်တော်၏နောက်လိုက်များအနေဖြင့် ယုံကြည်ခြင်းဖြင့် ကြံ့ကြံ့ခံရန်လိုသည်။ ကယ်တင်ရှင်ကို ယုံကြည်ခြင်းဖြင့် ဘုရားသခင်သည် ကျွန်မတို့အား လက်ခံကြောင်း သခင်ယေရှုက သေချာစေပြီ ဖြစ်သော်လည်း ကျွန်မတို့သည် ရှက်ကြောက်မှု၊ သံသယ၊ အတိုက်အခံများနှင့် ရင်ဆိုင်ရုန်းကန်ရနိုင်ပါသည်။ ကျွန်မတို့အတူတကွစုဝေးကြသောအခါ အချင်းချင်း တိုက်တွန်းခွန်အားပေးနိုင်သည့် အခွင့်အရေးရရှိပြီး၊ အဖော်အသင်းရှိမှသာ ကျွန်မတို့သည်…
သမ္မာတရားအား လက်ဆင့်ကမ်းခြင်း
ကိုဗစ်-၁၉ ကပ် ကာလအတွင်း၌ ရောဂါပိုးကူးစက်နိုင်မည့် အန္တရာယ်ကြောင့် အဘိုးအဘွားများသည် သူတို့၏မြေးများအား လူချင်းမတွေ့ရတော့သောအခါ ဆက်သွယ်နိုင်မည့် နည်းလမ်းအသစ်များကို ရှာဖွေလာကြသည်။ လတ်တလောကောက်ယူသော စစ်တမ်းတွင် အဘိုးအဘွားများသည် မြေးများနှင့် တန်ဖိုးရှိသောသံယောဇဥ်ကို ထိန်းသိမ်းနိုင်ရန် စာပို့ခြင်းနှင့် လူမှုကွန်ယက်မီဒီယာများ အသုံးပြုလာကြကြောင်း တွေ့ရသည်။ အချို့အဘိုးအဘွားများဆိုလျှင် ဗီဒီယိုဖုန်းခေါ်ကာ သူတို့၏မိသားစုအစုံအညီဖြင့် ဘုရားဝတ်ပြုကြသည်။
မိဘ၊ ဘိုးဘွားများက သားမြေးများအား နှုတ်ကပတ်သမ္မာတရားကို လက်ဆင့်ကမ်းခြင်းသည် သားမြေးတို့အပေါ် အကောင်းဆုံးသော လွှမ်းမိုးနည်း တစ်နည်းပင်ဖြစ်သည်။ တရားဟောရာကျမ်း ၄ တွင် မောရှေက ဘုရားသခင်၏ လူမျိုးတော်အား “အမှုအရာတို့ကို မမေ့မလျော့”ရန်၊ “နောက်တစ်သက်လုံး နှလုံးသွင်း”ရန် (:၉) တာဝန်ပေးခဲ့သည်။ ဤသို့ သားမြေးတို့အား သွန်သင်ခြင်းသည် သူတို့ကိုယ်၌ ဘုရားသခင်အား “ကြောက်ရွံ့”ခြင်းသဘောကို သင်ယူမိစေပြီး (:၁၀)၊ ဘုရားပေးတော်မူသောပြည်၌ ကိုယ်တော်၏သမ္မာတရားအညီ နေနိုင်စေမည်ဟု မောရှေက ဆက်၍မိန့်မြွက်သည်။
ဘုရားသခင်ပေးသနားသော…
စိတ်ကူးယဥ်မျှော်လင့်သူတို့အဖွဲ့
မလန်နီနှင့် ထရေဗာသူငယ်ချင်းနှစ်ဦးတို့ တောင်တက်လမ်းကြောင်းအတိုင်း မိုင်ပေါင်းများစွာ ခြေလျင်ခရီးနှင်ခဲ့ကြသည်။ သူတို့နှစ်ဦးသည် တစ်ဦးကိုတစ်ဦး လိုအပ်ကြသည်။ မလန်နီသည် မွေးရာပါကျောရိုးအက်ပြီး ဘီးတပ်ကုလားထိုင်ကို အသုံးပြုရသူ၊ ထရေဗာကမူ မျက်စိအာရုံကြောရောဂါကြောင့် မျက်မမြင်တစ်ဦးဖြစ်သည်။ တောင်တက်ရာတွင် ထရေဗာက မလန်နီကို ကျောပိုးပြီး၊ မလန်နီက သူ့ကို နှုတ်ဖြင့် လမ်းညွှန်သည်။ အမေရိကန်နိုင်ငံ၊ ကော်လိုရာဒို တောတောင်သဘာဝကို ခံစားရရန်အတွက် ၎င်းတို့သည် အကောင်းဆုံးသော တွဲဘက်များဖြစ်ကြောင်း သိကြသည်။ သူတို့ကိုယ်သူတို့ “စိတ်ကူးယဥ်မျှော်လင့်သူတို့အဖွဲ့” ဟု ဖော်ပြကြသည်။
ထိုနည်းတူ ရှင်ပေါလုက ခရစ်တော်၏ကိုယ်ဖြစ်သော သခင်ယေရှုကိုယုံကြည်သူများအား “စိတ်ကူးယဥ်မျှော်လင့်သူတို့အဖွဲ့” ဟူ၍ ဖော်ပြထားသည်။ ရောမအသင်းသားတို့အား ၎င်းတို့တစ်ဦးချင်းစီ ရရှိထားသောဆုကျေးဇူး ကောင်းချီးများသည် ပိုမိုကြီးမားသောအစုအဖွဲ့တွင် မည်မျှအကျိုးကျေးဇူးဖြစ်စေသည်ကို သိမှတ်ရန် ရှင်ပေါလု တိုက်တွန်းနှိုးဆော်ထားသည်။ ကျွန်ုပ်တို့၏ခန္ဓာကိုယ်တွင် မတူညီသော တာဝန်များထမ်းဆောင်သည့် အင်္ဂါအစိတ်အပိုင်းများစွာဖြင့် ဖွဲ့စည်းထားသကဲ့သို့ ကျွန်ုပ်တို့အတူတကွ ပေါင်းစည်းခြင်းအားဖြင့် (ဝိညာဥ်ရေးဆိုင်ရာ)ခန္ဓာတစ်ခုဖြစ်လာပြီး၊ မိမိ၌ရှိသည့်ဆုကျေးဇူးအသီးသီးဖြင့်…
ကြွယ်ဝမှုက လိုအပ်မှုကို ပြည့်စေမည်
ကျောင်းစားသောက်ဆိုင်များသည် အစားအသောက် ဝန်ဆောင်မှုလုပ်ငန်းများကဲ့သို့ စားစရာများ မည်မျှလိုအပ်မည်ကို မခန့်မှန်းနိုင်သဖြင့် အစားအသောက်ကို လိုအပ်သည်ထက် ပိုပြင်ဆင်ထားလေ့ရှိသဖြင့် အစားအသောက်အကျန်များသည် အလကားဖြစ်ရသည်။ တစ်ချိန်တည်းမှာပင် အိမ်၌စားစရာလောက်ငစွာ မရှိသဖြင့် ပိတ်ရက်များတွင် ဆာလောင်နေသည့် ကျောင်းသားများရှိနေသည်။ အမေရိကန်နိုင်ငံရှိ ခရိုင်တစ်ခုမှ ကျောင်းတစ်ကျောင်းသည် ဒေသတွင်းရှိ လူမှုရေးအဖွဲ့အစည်းတစ်ခုနှင့် လက်တွဲကာ ဤပြဿနာအတွက် အဖြေရှာခဲ့သည်။ ၎င်းတို့သည် အစားအသောက်အကျန်များကို ထုပ်ပိုးပြီး ကျောင်းသားများအား ပေးလိုက်ခြင်းဖြင့် အစားအသောက်များ အလဟဿဖြစ်ခြင်းနှင့် ငတ်မွတ်သည့်ပြဿနာကို တစ်ပြိုင်နက်တည်းတွင် ဖြေရှင်းလိုက်နိုင်သည်။
ငွေကြေးပိုလျှံနေခြင်းသည် စားစရာများ ပိုလျှံနေခြင်းကဲ့သို့ ပြဿနာတစ်ရပ်ဖြစ်သည်ဟု လူအများက မယူဆကြသော်လည်း၊ ထိုကျောင်း၏လုပ်ဆောင်မှု၏ နောက်ခံ အခြေခံသဘောတရားသည် တမန်တော်ရှင်ပေါလုက ကောရိန္သုအသင်းတော်ထံသို့ ပေးပို့သောစာတွင် ဖော်ပြသကဲ့သို့ပင် ဖြစ်သည်။ မာကေဒေါနိရှိ အသင်းတော်များသည် အခက်အခဲနှင့် ရင်ဆိုင်နေရကြောင်းကို ရှင်ပေါလုသိသဖြင့် ကောရိန္သုရှိအသင်းတော်အား ၎င်းတို့၏စည်းစိမ်ဖြင့် လိုအပ်နေသူများအား မစရန် ပြောကြားသည် (၂…
သခင်ယေရှု၌ အသစ်သော DNA မျိုးရိုးဗီဇ
ခရစ်သည် သူ့အသက်ဆက်ခွင့်ရခဲ့သည့် ရိုးတွင်းခြင်ဆီအစားထိုးကုသမှု ခံယူပြီး ၄နှစ် အကြာတွင် တစ်ဖန် သွေးပြန်စစ်ရသည်။ (အလှူရှင်တစ်ဦး ပေးလှူသည့်)ရိုးတွင်းခြင်ဆီအစားထိုးမှုကြောင့် အံ့ဩစရာကိစ္စတစ်ခုဖြစ်ခဲ့သည်။ ခရစ်၏သွေးအတွင်းမှ DNA သည် သူ၏ DNA မဟုတ်တော့ပဲ အလှူရှင်၏ DNA ဖြစ်နေသည်။ တကယ်လည်း ထိုသို့ဖြစ်သင့်ပါသည်။ ထိုကုထုံး၏သဘောတရားမှာ အားနည်းသောသွေးကို အလှူရှင်၏ ကျန်းမာကောင်းမွန်သောသွေးဖြင့် အစားထိုးခြင်း ဖြစ်သည်။ ခရစ်၏ ပါး၊ နှုတ်ခမ်း၊ လျှာတို့မှ သလိပ်နမူနာယူစစ်ဆေးရာ၌လည်း အဖြေက အလှူရှင်၏ DNA ကိုသာ ပြနေခဲ့သည်။ တစ်နည်းဆိုရလျှင် ခရစ်သည် သူ၏ကိုယ်ပိုင်မှတ်ဥာဏ်၊ အပြင်ပန်းသဏ္ဌာန်နှင့် သူ၏မူလ DNA အချို့တို့ ရှိနေသေးသော်လည်း သူသည် အခြားသူတစ်ဦးဖြစ်သွားပါသည်။
ခရစ်၏အတွေ့အကြုံက သခင်ယေရှုအားဖြင့် ကယ်တင်ခြင်းကို လက်ခံရရှိခဲ့သူ၏အသက်တာတွင် ဖြစ်ပျက်သည့်အရာနှင့် ထူးခြားစွာ တူညီနေပါသည်။ ရှင်ယေရှုကို ယုံကြည်သောအခါ ကျွန်ုပ်တို့၏ဝိညာဥ်ရေးရာ ပြောင်းလဲမှုအမှတ်တွင် ကျွန်ုပ်တို့သည်…
မေတ္တာဖြင့် ပေးကမ်းခြင်း
ဂလန်း(န်)သည် အနီးအနားရှိ လူမဆင်းဘဲ ကားရပ်၍ လှမ်းမှာယူနိုင်သောဆိုင်မှတစ်ဆင့် သူ၏နံနက်ခင်းကော်ဖီကို နေ့စဉ်၀ယ်သည်။ နေ့စဥ်ပင် သူ့ကားနောက်၌ တန်းစီနေသောကားမှပုဂ္ဂိုလ်အတွက် ငွေကြိုချေပေးပြီး ငွေကိုင်မှတစ်ဆင့် “ကောင်းသောနေ့”ဟု နှုတ်ဆက်ဆန္ဒပြုပေးရန် မှာခဲ့သည်။ ဂလန်း(န်) သည် ထိုသူများနှင့် အသိလည်းမဟုတ်၊ အဆက်အသွယ်လည်း မရှိပါ။ သူတို့မည်သို့ တုံ့ပြန်မည်ကိုလည်း သူအလေးမထားပါ။ ဤအပြုအမူလေးက “သူအနည်းဆုံးလုပ်နိုင်သောအရာ”ဟု သူရိုးရှင်းစွာ ယုံကြည်သည်။ သို့သော် တစ်ကြိမ်တွင် သူ၏ ဒေသခံသတင်းစာ၏ အယ်ဒီတာထံပေးစာကဏ္ဍ၌ ရေးသားသူအမည်မသိသည့် စာတစ်စောင်ကို ဖတ်လိုက်ရသောအခါ သူ့လုပ်ရပ်၏သက်ရောက်မှုကို သူသိလာရသည်။ ၂၀၁၇ ခုနှစ် ဇူလိုင်လ ၁၈ ရက် နေ့တွင် သူပြခဲ့သည့် ကြင်နာမှု လက်ဆောင်ကြောင့် သူ့ကားနောက်မှလိုက်ပါလာသူသည် ထိုနေ့နှောင်းပိုင်းတွင် သေကြောင်းကြံစည်မည့် အစီအစဉ်ကို ပြန်လည်စဉ်းစားသုံးသပ်စရာ ဖြစ်ခဲ့ကြောင်း သိရှိခဲ့ရသည်။
ဂလန်း(န်)သည် နောက်ကားမှလူများ၏အသိအမှတ်ပြုမှု မရရှိပါဘဲ သူနေ့စဉ်ပြုနေကျအတိုင်း ပြုခဲ့ပြီး၊ ဖော်ပြပါတစ်ခုတည်းသော…
အလင်းဖြစ်စေ
ကျွန်မသမီးလူမမည်အရွယ်က သူမ မရင်းနှီးသေးသောအရာများကို လက်ညှိုး ထိုးပြ (သို့) ထိကိုင်ခွင့်ပေးပြီး ကျွန်မက နာမည်များကို ပြောပြလေ့ရှိသည်။ သူမ စူးစမ်းနေသောကမ္ဘာကြီးကို နားလည်စေရန်နှင့် ဝေါဟာရကြွယ်ဝစေရန် ဖြစ်ပါ သည်။ ကျွန်မနှင့်ကျွန်မခင်ပွန်းတို့က သမီးလေး၏ပထမဆုံးစကားလုံးသည်မေမေ (သို့) ဖေဖေ ဖြစ်မည်ဟု ထင်ခဲ့မျှော်လင့်ခဲ့ကြသော်လည်း သမီးလေးက ကျွန်မတို့ကို အံ့အားသင့်စေခဲ့သည်။ တစ်ရက်တွင် သမီးလေး၏နှုတ်ခမ်းသေးသေးလေးမှ ‘ဒိုက်’ (dight)ဟု တိုးတိုးရေရွတ်ခဲ့သည်။ သမီးလေးကို ကျွန်မ ပြောလိုက်သည့် ‘လိုက်’(light-အလင်း) ဟူသောစကားလုံးကို သံယောင်လိုက်၍ အသံထွက်မှားခြင်း ဖြစ်ပါသည်။
‘အလင်း’သည် သမ္မာကျမ်းစာတွင် မှတ်တမ်းတင်ထားသည့် ဘုရားသခင်၏ ပထမဆုံးစကားဖြစ်သည်။ ဘုရားသခင်၏ဝိညာဥ်တော်သည် မှောင်မိုက်ဖုံးလွှမ်း၍ အဆင်းသဏ္ဌာန်မရှိ၊ လွတ်လပ်လဟာဖြစ်နေသည့် မြေကြီးအပေါ် လှုပ်ရှားနေစဥ် ဘုရားသခင်က “အလင်းဖြစ်စေ” (က ၁:၃) ဟုအမိန့်တော်ရှိ၍ အလင်းကို ဖန်ဆင်းခဲ့သည်။ အလင်းကောင်းသည်ကို ဘုရားသခင်မြင်တော်မူ၍ ကျမ်းစာမှလည်း ၎င်းကိုသက်သေထူနေပါသည်။…
ဘာတွေလိုအပ်လဲ
ကျွန်မ၏သူငယ်ချင်းက သူမအား မည်သည့်နိုင်ငံရေးပါတီဝင် ဖြစ်သနည်းဟု ယုံကြည်သူ လုပ်ဖော်ကိုင်ဖက်တစ်ဦးက ဘွင်းဘွင်းရှင်းရှင်းမေးခဲ့ပုံကို ပြန်ပြောပြသည်။ ဤသို့မေးသည့် သူ၏ရည်ရွယ်ချက်မှာ လူမှုအသိုင်းအဝန်း၌ ကွဲပြားမှုဖြစ်စေသည့် လက်တလော အမှုအရေးများနှင့်စပ်လျဥ်း၍ သူတို့နှစ်ဦးအနေဖြင့် သဘောထားတိုက်ဆိုင်မှု ရှိမရှိကို ခန့်မှန်းရန် ဖြစ်ကောင်းဖြစ်နိုင်သည်။ သူတို့နှစ်ဦးကြား တူညီသည့်အခြေခံကို ရှာတွေ့ရန် သူမက “ကျွန်မတို့နှစ်ယောက် လုံးက ယုံကြည်သူတွေဖြစ်တဲ့အတွက် ခရစ်တော်၌ ညီညွှတ်မှုကိုပဲ ကျွန်မအာရုံစိုက်မယ်” ဟု ရိုးရှင်းစွာ ဖြေကြားခဲ့သည်။
ရှင်ပေါလုလက်ထက်တွင်လည်း ယုံကြည်သူများသည် အမျိုးမျိုးသောကိစ္စ များကြောင့် ကွဲပြားခဲ့ကြသည်။ မည်သည့် အစားအသောက်များ စားခွင့်ရှိသည်၊ မည်သည့်နေ့များကို သန့်ရှင်းသောနေ့အဖြစ် သတ်မှတ်မည် စသည့်ခေါင်းစဉ်များကြောင့် ရောမမြို့ရှိခရစ်ယာန်များ သဘောထားကွဲလွဲခဲ့ကြသည်။ ‘မိမိစိတ်နှင့် မိမိကိုယ် မည်သည့် ခံယူချက်ကို စွဲကိုင်သည်’ ဖြစ်စေ၊ သခင်ယေရှုအတွက် အသက်ရှင်ခြင်းသည် သူတို့၏တူညီသည့် အခြေခံအုတ်မြစ်ဖြစ်ကြောင်း သူတို့အား ရှင်ပေါလု သတိပေးခဲ့သည် (ရော…